Bakı. TurkicWorld:
İsrail Türkiyə üçün yardım göndərir.
TurkicWorld-in məlumatına görə, bu barədə İsrail xarici işlər naziri Eli Koen tvitter hesabında qeyd edib.
"Bu gecə Türkiyənin cənubunda baş verən şiddətli zəlzələ ilə əlaqədar İsrail Dövləti adından türk xalqına dərin hüznlə başsağlığımızı bildirirəm. Qəlbimiz həlak olanların yanındadır və yaralananların tezliklə sağalmasını arzu edirik. Mən Xarici İşlər Nazirliyinə Türkiyəyə ağır fəlakətlə mübarizə üçün sürətli yardım proqramına rəhbərlik etməyi tapşırdım" - deyə bildirilib.
Qeyd edək ki, bu gün Türkiyənin müxtəlif bölgələrində 7.4 bal gücündə zəlzələ olub. İndiyədək zəlzələ nəticəsində ölənlərin sayı 76 nəfəri keçib. 440 nəfər yaralı var.
