...

Azərbaycan və Finlandiya arasında əməkdaşlıq müzakirə olunub (FOTO)

Siyasət Digər xəbərlər 21 Sentyabr 2022 15:01
TurkicWorld Daspina Hasanova
Azərbaycan və Finlandiya arasında əməkdaşlıq müzakirə olunub (FOTO)

Bakı. TurkicWorld:

Xarici işlər naziri Ceyhun Bayramov BMT Baş Assambleyasının 77-ci sessiyasının yüksək səviyyəli həftəsində iştirakı çərçivəsində Finlandiyanın xarici işlər naziri Pekka Haavisto ilə görüşüb.

Bu barədə TurkicWorld-ə Azərbaycan Xarici İşlər Nazirliyindən məlumat verilib.

Nazirlər iki ölkə arasında ikitərəfli münasibətlər, eləcə də beynəlxalq təşkilatlar, o cümlədən ATƏT çərçivəsində mövcud əməkdaşlıq münasibətlərini müzakirə ediblər.

Finlandiyalı nazir Pekka Haavisto bölgədəki gərgin vəziyyətlə bağlı narahatlığını ifadə edib və hazırkı durumla maraqlanıb. Nazir Ceyhun Bayramov, həmsöhbətinə bölgədə Ermənistanın silsilə təxribatları barədə ətraflı məlumat verib. Nazir Azərbaycan-Ermənistan arasında münasibətlərin beynəlxalq hüququn norma və prinsiplərinin əsasında normallaşması istiqamətində işlərin davam etdirilməsinin zəruri olduğunu vurğulayıb.

Nazirlər həmçinin digər qarşılıqlı maraq doğuran regional və beynəlxalq məsələlər ətrafında fikir mübadiləsi aparıblar.

Məqalədə:
Xəbərlər

Xəbər lenti