...

Prezident İlham Əliyev: Bu gün Azərbaycan dünyada güclü idman ölkəsi kimi tanınır

Siyasət Digər xəbərlər 9 Avqust 2022 17:43
TurkicWorld Daspina Hasanova
Prezident İlham Əliyev: Bu gün Azərbaycan dünyada güclü idman ölkəsi kimi tanınır

Bakı. TurkicWorld:

Hər dəfə mötəbər beynəlxalq yarışlar ərəfəsində idmançılarla görüşüb onlarla söhbətləşirəm. Bu dəfə də istisna deyil.

Bu dəfə V İslam Həmrəyliyi Oyunlarında siz Azərbaycanı təmsil edəcəksiniz. Əminəm ki, ləyaqətlə təmsil edəcəksiniz. Çünki bizim idmançılar artıq bütün beynəlxalq yarışlarda öz gücünü təsdiqləmişlər.

TurkicWorld-un məlumatına görə, bu fikirləri Prezident İlham Əliyev Türkiyənin Konya şəhərində keçirilən V İslam Həmrəyliyi Oyunlarında ölkəmizi təmsil edən idmançılarla görüşündə söyləyib.

Dövlətimizin başçısı deyib: “Azərbaycan bu gün dünyada güclü idman ölkəsi kimi tanınır və bizim qələbələrimiz həm Olimpiya Oyunlarında, həm də dünya, Avropa çempionatlarında artıq adi hala çevrilib. Azərbaycan azarkeşləri də bir növ buna öyrəşiblər. Əminəm ki, idmançılarımız bu dəfə də gözəl nəticə göstərəcəklər”.

Komandamızın artıq birinci qızıl medalı qazandığını diqqətə çatdıran Prezidenti İlham Əliyev bu münasibətlə komandanı təbrik edərək bildirib: “Əminəm ki, bu gözəl nəticə digər idmançılar üçün də gözəl bir stimul olacaq”.

Məqalədə:
Xəbərlər

Xəbər lenti