...

Prezident İlham Əliyev: Özbək və Azərbaycan xalqları bir yumruq kimi birlikdə olacaq (Tam nitq)

Siyasət Digər xəbərlər 22 İyun 2022 23:31
TurkicWorld Daspina Hasanova
Prezident İlham Əliyev: Özbək və Azərbaycan xalqları bir yumruq kimi birlikdə olacaq (Tam nitq)

Bakı. TurkicWorld:

Özbək və Azərbaycan xalqları bir yumruq kimi birlikdə olacaq.

TurkicWorld xəbər verir ki, bu fikirləri Azərbaycan Prezident İlham Əliyev Özbəkistan Prezidenti Şavkat Mirziyoyev tərəfindən təşkil edilən qəbulda konsert proqramını dinlədikdən sonra söyləyib.

Dövlətimizin başçısı deyib:

“Qardaşım Şavkat Miromonoviçin bütün dediklərini mən anladım, tərcüməçiyə ehtiyac qalmadı. Mənim dövlət səfərim bu gün başa çatır. Dünən Daşkənddə, bu gün Xivədə, Ürgəncdə, Xarəzm vilayətində olmağımdan çox məmnunam. Dünən və bu gün bir daha gördüm ki, xalqlarımız bir-birinə nə qədər yaxındır. Mədəniyyətimiz, incəsənətimiz, ümumiyyətlə, xalqlarımızın kökləri birdir. Bu gün Azərbaycan dilində oxunan mahnılar, nəğmələr sanki Azərbaycan müğənniləri tərəfindən ifa olundu. Heç bir ləhcə, şivə yoxdur. Bu, nəyi göstərir? Xalqlarımızın birliyini. Siz Türk mədəniyyətimizi tərənnüm edən ifaçılar, sənətkarlar və mədəniyyət ustadları bizim fəxrimizsiniz.

Şavkat Miromonoviçlə bu masa arxasında söhbət əsnasında o, hər bir ifaçının adını bilirdi. Bilirdi harada oxuyub, bu, Bakıda oxuyub, o orada oxuyub, bu, mədəniyyət naziridir, o orada. Bu, onu göstərir ki, Prezident hər bir sənət adamının məsələləri ilə şəxsən məşğul olur. Onun sizə olan sevgisi özbək xalqına olan sevgisidir.

Bu gün yeni Özbəkistanı mən özüm üçün kəşf etdim. Yeni Özbəkistan qardaşımın simasında, sizin simanızda çiçəklənir. Yeni Özbəkistanın həyatı uğurlu olsun, xeyirli olsun. İnşallah, hamımız - özbək və Azərbaycan xalqları bir yumruq kimi birlikdə olacağıq.”

Məqalədə:
Xəbərlər

Xəbər lenti