...

Hindistan səfiri Azərbaycan Xarici İşlər Nazirliyinə çağırılıb

Siyasət Digər xəbərlər 9 İyun 2022 13:19
TurkicWorld Daspina Hasanova
Hindistan səfiri Azərbaycan Xarici İşlər Nazirliyinə çağırılıb

Bakı. TurkicWorld:

9 iyun 2022-ci il tarixində Hindistanın ölkəmizdəki səfiri Bavitlung Vanlalvavna Xarici İşlər Nazirliyinə çağırılıb.

Xarici İşlər Nazirliyindən TurkicWorld-ə verilən məlumata görə, görüşdə Hindistanın hakim partiyasının rəsmiləri tərəfindən İslam dininə qarşı və Məhəmməd peyğəmbər ilə bağlı təhqiramiz ifadələr işlədilməsinin qəbuledilməz olduğu bildirilib.

Hindistan rəsmilərinin sərgilədiyi islamofob mövqeyin bütün dünya müsəlmanlarının hissiyatına toxunduğu qeyd edilib və Azərbaycanın bu davranışı qınadığı Hindistan səfirinin diqqətinə çatdırılıb.

Bu kimi halların, müxtəlif dinlərdən olan insanların sülh şəraitində birgə yaşayışına xələl gətirdiyi qeyd olunub. Sözügedən rəsmilərə qarşı Hindistan hökuməti tərəfindən sərt tədbirlərin görülməsinin gözlənildiyi ifadə edilib.

Məqalədə:
Xəbərlər

Xəbər lenti