...

Fəxrəddin Altun: Terror zəhərli sarmaşıq kimi Avropanı bürüyüb

Siyasət Digər xəbərlər 10 May 2022 12:01
TurkicWorld Daspina Hasanova
Fəxrəddin Altun: Terror zəhərli sarmaşıq kimi Avropanı bürüyüb

Bakı. TurkicWorld:

PKK-nın İsveçrədə varlığı terrorun zəhərli sarmaşıq kimi Avropanı bürüdüyünü göstərir. TurkicÜorld xəbər verir ki, bunu Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun İsveçrənin Bazel şəhərində PKK terror təşkilatı tərəfdarlarının "23 Aprel Beynəlxalq Uşaq Festivalı"nı hədəf alan hücumu ilə bağlı sosial media hesabından paylaşıb.

O bildirib ki, PKK terror təşkilatının bu dəfə İsveçrədə keçirilən uşaq festivalına hücum etməsi qanlı terror təşkilatının əsl simasıyla yanaşı İsveçrə üçün yaratdığı təhlükəni də ortaya qoyur. PKK-nın İsveçrədə varlığı terrorun zəhərli sarmaşıq kimi Avropanı bürüdüyünü və bu qlobal təhlükəyə qarşı çoxşaxəli mübarizənin zəruriliyini bir daha nümayiş etdirib.

“Terrorçulara və terrora qarşı ayrı-seçkilik etmədən qətiyyətli və effektiv mübarizə aparan Türkiyə digər ölkələrdən də eyni şəkildə qlobal terrora qarşı lazımi güclü mübarizə, real əməkdaşlıq və səmimi həmrəylik görməyi gözləyir.” – deyə Altun qeyd edib.

Məqalədə:
Xəbərlər

Xəbər lenti