...

İsrailin informasiya portalında Xocalı soyqırımı haqqında material dərc olunub

Digər xəbərlər Digər xəbərlər 24 Fevral 2023 11:30
TurkicWorld Aytac Aliyeva
İsrailin informasiya portalında Xocalı soyqırımı haqqında material dərc olunub

Bakı. TurkicWorld:

İsrailin STMEGI informasiya portalında Xocalı soyqırımı haqqında material dərc olunub.

TurkicWorld xəbər verir ki, material faciənin 31-ci ildönümünə həsr olunub.

"Hər il dünya ölkələri Birinci Qarabağ müharibəsi dövründə 1992-ci il fevralın 26-na keçən gecə baş vermiş Xocalı faciəsini yada salır. Həmin gecə erməni silahlı qüvvələri Xocalı şəhərinə basqın edərək yüzlərlə dinc sakinə amansız divan tutdular. Beynəxalq hüquq təşkilatları, o cümlədən "Human Rights Watch" öz nəşrlərində Xocalı qətliamının ətraflı təsvirini veriblər. Bu il Xocalı faciəsinin 31-ci ildönümüdür. Azərbaycan və dünyanın bir çox digər ölkələri bunu çox aydın şəkildə xatırlayır və həlak olanların xatirəsini ehtiramla yad edir", - materialda deyilir.

Qeyd olunduğu kimi, Xocalıdakı hadisələr ABŞ-ın 20 ştatında və bir çox ölkədə, o cümlədən Pakistanda və İsraildə qətliam olaraq tanınıb. Türkiyədə və Almaniyada faciənin xatirəsinə abidələr qoyulub.

"Bütün bunlara baxmayaraq, bu faciədə təqsirkar olanlar indiyədək məsuliyyətə cəlb olunmayıblar. Azərbaycan Qarabağı erməni işğalından azad etdi və orada yaşayan ermənilərlə sülh şəraitində yaşamağa hazırdır. Lakin ermənilərlə sülh əldə olunsa belə, Azərbaycan heç vaxt xalqının taleyinə düşən bu itkilər və acılarla barışa bilməz", - məqalədə deyilir.

Məqalədə:
Xəbərlər

Xəbər lenti