Bakı. TurkicWorld:
BMT-nin verdiyi məlumata görə, Birləşmiş Koordinasiya Mərkəzi Qara dəniz taxıl təşəbbüsü çərçivəsində cümə axşamı ərzaq yüklü beş gəmiyə Ukrayna limanlarını tərk etməyə icazə verib.
TurkicWorld bu barədə İnterfaksa istinadən xəbər verir.
"Birləşmiş Koordinasiya Mərkəzi Qara dəniz taxıl təşəbbüsü çərçivəsində ümumilikdə 83 241 ton taxıl və digər ərzaq məhsulları daşıyan beş gəminin yola salınmasına icazə verib", - məlumatda deyilir.
İyulun 22-də İstanbulda BMT, Rusiya, Türkiyə və Ukraynanın iştirakı ilə Ukraynanın üç limanından - Çernomorsk, Odessa və Yujnı limanlarından taxıl ixracı üçün dəhlizin yaradılmasına dair iki sənəd imzalanıb.
