Bakı. TurkicWorld:
Türkiyənin xarici işlər naziri Mövlud Çavuşoğlu 24-25 may tarixlərində Fələstin və İsrailə səfər edəcək.
TurkicWorld xəbər verir ki, bu barədə Türkiyə XİN-in mətbuat xidmətindən bildirilib.
Məlumata əsasən, mayın 24-ü M.Çavuşoğlu Fələstinə səfər edəcək. Burada o Türkiyə və Fələstin Xarici İşlər Nazirlərinin Birgə Komitəsinin ikinci iclasında iştirak edəcək, daha sonra Fələstinin XİN rəhbəri Riyad əl-Maliki və ölkənin prezidenti Mahmud Abbas ilə görüşlər keçirəcək.
Bildirilir ki, mayın 25-i Türkiyənin XİN rəhbəri İsrailə yollanacaq. İsraildə M.Çavuşoğlu bu ölkənin xarici işlər naziri Yair Lapid ilə görüşəcək.
