Bakı. TurkicWorld:

Ukrayna Nazirlər Kabineti Azərbaycan, Fars körfəzi və Yaxın Şərq ölkələrindən neft məhsullarının idxalı üçün zəruri reqlamentləri razılaşdırıb.

TurkicWorld-un məlumatına görə, bu barədə ölkənin baş naziri Denis Şmıqal bildirib.

Qeyd olunur ki, bu məqsəd üçün xüsusi olaraq dövlət sərhədində buraxılış məntəqəsi hazırlanır.

Ukraynanın İnfrastruktur Nazirliyi ilə Dövlət Sərhəd Xidməti arasında qərb buraxılış məntəqələrindən birinin yalnız benzin daşıyan maşınlar üçün nəzərdə tutulması barədə razılığa gəlinib.

Bundan başqa, Ukraynanın Polşa ilə sərhədində bəzi buraxılış məntəqələrinin sırf yük daşımaları üçün istifadəsi, nəqliyyat vasitələri və sərnişinlərin digər məntəqələrə yönləndirilməsi nəzərdə tutulur.