Bakı. TurkicWorld:

Almaniya şirkətləri "Cənub Qaz Dəhlizi"nin buraxılış gücünün artırılmasına töhfə verə bilər.

Bunu TurkicWorld-ə Almaniyanın Azərbaycandakı səfiri Volfqanq Maniq "Sülh və təhlükəsizlik təhdid altındadır - Qaydalara əsaslanan dünya nizamı bizə niyə lazımdır" mövzusunda tədbir çərçivəsində deyib.

"Hazırda Almaniya Energetika Nazirliyi enerji ehtiyatlarının alternativ idxal mənbələrini axtarır. Almaniyanın "Cənub Qaz Dəhlizi" vasitəsilə qaz tədarükünü təşkil etmək niyyəti var", - deyə o bildirib.

Səfir qeyd edib ki, Almaniyanın "Uniper" energetika şirkəti hökumətdən təminat alıb və SOCAR-la fəal əməkdaşlıq edir.

"Sabah şirkətlər arasında görüş keçiriləcək və münasibətlərin gələcək inkişafı müzakirə olunacaq. Müəyyən müqavilələr imzalanandan sonra bu və ya digər tikinti işləri barədə danışmaq mümkün olacaq", - səfir deyib.