Qırğızıstan bazarlarında Türkiyədən ixrac edilən avtomobil sənayesi məhsullarına olan tələbat azalıb

Qırğızıstan bazarlarında Türkiyədən ixrac edilən avtomobil sənayesi məhsullarına olan tələbat azalıb

Bakı. TurkicWorld:

Türkiyə 2022-ci ilin yanvar-iyul aylarında Qırğızıstana avtomobil sənayesi məhsulları ixracını ötən ilin eyni dövrü ilə müqayisədə 13,4 faiz azaldaraq 9,4 milyon dollara çatdırıb.

Bu barədə TurkicWorld-a Türkiyə Ticarət Nazirliyindən məlumat verilib.

İyul ayında Türkiyə Qırğızıstana avtomobil sənayesi məhsulları ixracatını 2021-ci ilin eyni ayı ilə müqayisədə 47,4 faiz artıraraq 1 milyon dollara çatdırıb.

Qeyd edək ki, 2022-ci ilin yanvar-iyul aylarında Türkiyənin avtomobil sənayesi məhsulları ixracı ötən ilin eyni dövrü ilə müqayisədə 5,8 faiz artaraq 17,3 milyard dollara bərabər olub.

Bu ilin iyul ayında Türkiyə 2 milyard dollar məbləğində avtomobil sənayesi məhsulları ixrac edib ki, bu da keçən ilin iyul ayı ilə müqayisədə 3,5 faiz çoxdur.

Qeyd olunub ki , son 12 ay ərzində (iyul 2021-iyul 2022) Türkiyə 30,3 milyard dollar məbləğində avtomobil sənayesi məhsulları ixrac edib.