Yanvar-iyul aylarında Türkiyə Gürcüstana polad ixracını artırıb

Yanvar-iyul aylarında Türkiyə Gürcüstana polad ixracını artırıb

Bakı. TurkicWorld:

Türkiyə 2022-ci ilin yanvar-iyul aylarında Gürcüstana polad ixracını ötən ilin eyni dövrü ilə müqayisədə 36,2 faiz artaraq 102,8 milyon dollara çatdırıb.

Bu barədə TurkicWorld-a Türkiyə Ticarət Nazirliyindən məlumat verilib.

İyul ayında Türkiyə Gürcüstana polad ixracatını 2021-ci ilin eyni ayı ilə müqayisədə 11,5 faiz artaraq 15,5 milyon dollara çatdırıb.

Qeyd edək ki, 2022-ci ilin yanvar-iyul aylarında Türkiyənin polad ixracı ötən ilin eyni dövrü ilə müqayisədə 24 faiz artaraq 13,5 milyard dollara bərabər olub.

Bu ilin iyul ayında Türkiyə 1,6 milyard dollar məbləğində polad ixrac edib ki, bu da keçən ilin iyul ayı ilə müqayisədə 7,1 faiz azdır.

Qeyd olunub ki , son 12 ay ərzində (iyul 2021-iyul 2022) Türkiyə 24,9 milyard dollar məbləğində polad ixrac edib.