Aqrar Subsidiya Şurasının qərarına əsasən, gələn ildən pambıq, şəkər çuğunduru və tütün bitkiləri üzrə məbləği artırılmaqla yalnız məhsul subsidiyası veriləcək.

TurkicWorld xəbər verir ki, bu barədə Kənd Təsərrüfatı Nazirliyində Fermerlər Şurasının onlayn formatda toplantısında bildirilib.

Toplantıda cari il ərzində aqrar sektorda baş verən yeniliklərə toxunulub. Qeyd edilib ki, qarşıdakı mövsümdə ölkənin ərzaq təhlükəsizliyinin təmin edilməsində mühüm rola malik buğda, arpa, çəltik, çay, limon, fındıq və qarğıdalı bitkiləri üzrə 10 hektardan artıq əkin sahələrinə əkin subsidiyaları 3 il ərzində aqrar sığorta olunmaqla veriləcək.

Dövlət tərəfindən fermerlərə verilən çoxsaylı dəstək mexanizmləri aqrar sığortada da nəzərdə tutulub. Belə ki, aqrar sığorta haqqının 50%-i dövlət tərəfindən ödənilir.